உனைத்தேடும் கண்களுக்கு ஓய்வு இல்லை
உனைப் பார்த்தபின்னர் நான் உண்ணவில்லை.
பார்த்தால் பசிதீருமென நானிருக்க - எனைப்
பாராமலே நீ போவதென்ன?
சந்தனமா உன் தேகம், எனில்
கல்லோ இரும்போ, உன் இதயம்
உன்னிரு வழ வழ கன்னங்கள்,
பார்க்கையில்
என்னுள் ஏதேதோ எண்ணங்கள் !
உறக்கமில்லா இரவுகள்- நன்றி,
இரக்கமில்லா உன் நினைவுகள்
குளிருக்கு இதமான கம்பளியாய்
கோடையை குளிர்விக்கும் மழையாய்,
எப்போது நீ வருவாய், ஏங்குதடி என் மனது;
அல்லி மொட்டாய் காத்திருக்க, வாராய் நிலவே
வாய்திறந்து பேசு, அன்றேல் உன்
விழி அசைவு போதும் எனக்கு
காலம் முழுதும் நான் காத்திருப்பேன்
கரம்பிடிக்க நீ சரியென்றால் !
ராஜசுப்ரமணியன் S
