காலம்.

காலமோ தொடர்ந்து செல்லும், 

கதை பல தொடர்ந்து சொல்லும், 

ஓய்வின்றி ஓடும்,நடக்கும்- 

நிற்பது போலத்தோன்றும்,

நில்லாதோடும்; 

 துளி நொடிப்பொழுதில் அசையும்- 

காலம் அனைத்தையும் ஆட்டி வைக்கும்.

 இளமையில்,இன்பத்தில் பறக்கும் காலம்; 

முதுமையில், துன்பத்தில் ஊர்ந்து போகும். 

அளவில்லா காலம்,நேரம்- நாட்களாய்,மாதமாய்,

வருடமாய், பல்லாயிரம் ஆண்டாய்; 

முடிவில்லா இந்த வட்டம்,முடிவது போலத்தோன்றும்.

 நிகழ்காலம், இறந்த காலம், வருங்காலம்- என்றெல்லாம் உண்டா என்ன? இறவாத காலம்; பின்னெது இறந்த காலம்? 

நிலைப்படியில் இடித்துக்கொண்டு, 

நிலைப்படி இடித்ததென்று,சொல்லும் உலகம்.

கைநழுவிப் போனதென்று சொல்லக்கூச்சம்-

நாம் மறந்துவிட்ட காலமே இறந்த காலம். 

எது நல்ல நேரமென்று என்னைக்கேட்டால்

இதுவென்று சொல்லுமுன்னே கடந்து போகும்.

இன்னாளில் ஓட்டம் வேகம் பின்னாளில் பயனாகும் ; 

முயற்சி இல்லையென்றால், முயலும் தோற்கும். 

அளப்பரிய காலம் ஆனால் நாம் இருப்பதோ கொஞ்ச காலம்.

காலத்தைக் கடன், வாங்க- கொடுக்க சேமிக்க- இயலாது; 

ஆனாலும்,

இருக்கின்ற காலத்தில் நற்செயல்கள் செய்திட்டால்

காலத்தை வென்று நிற்போம்!